Author Topic: कोंबडी ..  (Read 458 times)

Offline विक्रांत

  • Hero Member
  • *****
  • Posts: 1,550
कोंबडी ..
« on: May 27, 2015, 06:53:45 PM »


मरणाऱ्या कोंबडीचा आक्रोश
कधीच रश्यात उतरत नाही
अन तिची शेवटची तडफड
तवंग जराही हलवत नाही 

वजनावर आडवी ठेवे कसाई 
कधीच जीव म्हणून बघत नाही
अन मिनटात निष्प्राण होते
तरी कधीच काही वाटत नाही
 
मसाल्यातील मांसाच्या दरवळीने
भाकरी होईस्तो धीर धरवत नाही
तोच रानटी आदिम शिकारी
अजून मनातून हटत नाही

विक्रांत प्रभाकर
http://kavitesathikavita.blogspot.in/


Marathi Kavita : मराठी कविता