Author Topic: भ्रष्टाचार  (Read 366 times)

Offline Anil S.Raut

  • Jr. Member
  • **
  • Posts: 201
भ्रष्टाचार
« on: June 27, 2015, 06:07:44 AM »
********* -:भ्रष्टाचार **********
        (अनिल सा.राऊत 9890884228)
********************************

बोकाळला भ्रष्टाचार
आता लागले मला कळू
बांधली मुंगशी तरी
शेंडे खुडतात हे वळू....!...||०||

केली मतांची पेरणी
नाही पाहिली कशी कीड?
सगळेच सोंडकीडे
त्यांची आतून जांगजोड....
वरुन दिसे भरीव
खाली लागले पीठ गळू-
बोकाळला भ्रष्टाचार
आता लागले मला कळू
बांधली मुंगशी तरी
शेंडे खुडतात हे वळू....! .....||१||

दिले ओंजळीने पाणी
त्यांनी रे पखाली भरल्या
कोरड घशास सदा
ज्यांनी रे विहीरी खोदल्या....
स्वार्थात इथे आंधळे
कर्तव्यास लागले टाळू-
बोकाळला भ्रष्टाचार
आता लागले मला कळू
बांधली मुंगशी तरी
शेंडे खुडतात हे वळू....!...||२||

होते चांगले अंकूर
त्यांना ही वेढावते तण
नको मनःस्ताप फुका
तशीच उपज, जसे रान...
लागण झाली दवांना
शिष्टाचार लागले जाळू-
बोकाळला भ्रष्टाचार
आता लागले मला कळू
बांधली मुंगशी तरी
शेंडे खुडतात हे वळू....!....||३||

आस होती पायलीची
हाती लागे उगी पसाभर
त्यांच्या सोंडेची साठण
जशी की धरणीचे अंबार...
तरी चाटून पुसून
रक्ताळती मड्यांची टाळू-
बोकाळला भ्रष्टाचार
आता लागले मला कळू
बांधली मुंगशी तरी
शेंडे खुडतात हे वळू....!....||४||

*अनिल सा.राऊत*
9890884228

Marathi Kavita : मराठी कविता

भ्रष्टाचार
« on: June 27, 2015, 06:07:44 AM »

Download Free Marathi Kavita Android app

Join Marathi Kavita on Facebook

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
नाऊ वजा एक किती ? (answer in English number):