Author Topic: तृषार्त चातक  (Read 470 times)

Offline sachinikam

  • Jr. Member
  • **
  • Posts: 162
  • Gender: Male
तृषार्त चातक
« on: August 20, 2015, 05:30:43 PM »
तृषार्त चातक

चिरडली भूई आकाश फाटले
उन्हाच्या झळयांनी शिवार पेटले

शुष्क कंठात प्राण दाटले
शोकसागरातील अश्रू आटले

वावटळ गेली उडवून धूळ
अवकळा आली कुठून पांगूळ

नभी नजर चातकाची लागली समाधी
तृषापुर्ती पुरते मिळेल का पाणी ?

करड्या रंगांचा थवा उडाला उडाला
कोरड्या चोचीत नाही थेंबही पडला

बरसुदे आता सर बरसुदे सर
भारावला भाता विनवितो आर्त स्वर

करी कृपा देवा बरसुदे जल जल
अमृताहूनही गोड लागी उदकाचे बोल.

कवितासंग्रह : मुखदर्पण
कवी : सचिन निकम
पुणे
९८९००१६८२५
sachinikam@gmail.com
« Last Edit: August 20, 2015, 05:33:21 PM by sachinikam »

Marathi Kavita : मराठी कविता