आनंदाने जगायचे आहे
फुललेला वसंत कधी सरला कळले नाही
दाहक ग्रिष्माशी सूर माझे कधी जुळले नाही
प्रभातकालचे सोनकण मनभरून नाही लुटले
संध्यारंगहि कधि डोळेभरून नाहीच न्याहाळले
चांदरातीचे मोहरले क्षण पाहता पाहता विरले
गर्द रातीचे अंधारकण भोवती भरून राहिले
दाट काळोखातली वाट अजून चालायची आहे
चांदण्यांच्या तेज:कणांची साथ शोधायची आहे
आयुष्याची सायंकाळ त्यात उजळायची आहे
शेवटच्या क्षणापर्यंत आनंदाने जगायचे आहे
----------------------
:"Khup kahi sangate tumchi kavita; ani if you write such nice songs, definately you won't need to compromise, every good thing will come to you."
