Author Topic: आता तरी भाव द्या  (Read 1424 times)

Offline gurjar.makarand

  • Newbie
  • *
  • Posts: 3
आता तरी भाव द्या
« on: December 26, 2011, 05:44:25 PM »
भेगाळलेल्या जिमिनीला, भिगायाला वाव द्या,
हिरवं शेती सपनाला, आमच्या मनी ठाव द्या.
 
पेटलंय ते रान कापसाच, पाण्याइना जळतंया ते बीज,
हिरीत पानी आसल तवा, थांबत नाही इज.
मोप पैकं ओतलं तरी, पिक फुलोरा धरंना,
लाकडं वाळून गेली तरी, चूल काय पेटना.
भिकाऱ्यापरी सवता घरी, तरी मला राव्ह द्या,
पार पिचून गेलोय सरकार, आता तरी भाव द्या.
 
कधीतरी सोडलं व्हतं तुम्ही, आम्हासाठी पानी,
नद्या, ओढं वाहून गेलं, आलं नाही रानी.
वाट बघत सरत चालला, दिसं आयुष्याचा,
कधीतरी आस दावत येतो, सडा पावसाचा.
कष्टामध्ये न्हाऊन झालायं, पावसात आनंदाच्या न्हाव द्या,
पार पिचून गेलोय सरकार, आता तरी भाव द्या.
 
शिकशान भीडलयं आकाशाला, शिकत न्हायत पोरं,
चाऱ्याइना वाळत चालली, दारा म्होराची ढोरं.
शहरांनबी धाव घेतली, ऱ्हायली नायी गावं,
जो तो पैक्यासाठी जगतोय, घेतोय शहरी धाव.
आसवं आमची सुकत चालली , आता ऊर फुटून रडू द्या,
पार पिचून गेलोय सरकार, आता तरी भाव द्या.
 
कापडं फाटली सारी जरी, फाटलं नाय काळीज,
रात उलटून गेली तरी, झोप येईना डोळीच,
धगधगतय ऊर मनाचं, इचारानं पोराच्या,
कधी उडणं छत घराचं, हेलकाव्यानं वाऱ्याच्या,
भूतकाळ झालो मी जरी, भविष्य त्याचं घडू द्या,
पार पिचून गेलोय सरकार, आता तरी भाव द्या.
                         
                                                                        कवी: मकरंद गुर्जर
                                                                     19-12-2011

 
« Last Edit: December 26, 2011, 06:04:03 PM by gurjar.makarand »

Marathi Kavita : मराठी कविता


Offline santoshi.world

  • Moderator
  • Sr. Member
  • *****
  • Posts: 1,372
  • Gender: Female
  • मन माझे तुफान वारा, अश्रू माझे पाऊसधारा...
    • My Blog - Kavita, charolya, paintings, rangolies etc.
Re: आता तरी भाव द्या
« Reply #1 on: December 27, 2011, 10:13:42 AM »
hummmm ... :(

Offline केदार मेहेंदळे

  • Hero Member
  • *****
  • Posts: 2,674
  • Gender: Male
  • मला कविता शिकयाचीय ...
Re: आता तरी भाव द्या
« Reply #2 on: December 27, 2011, 04:48:49 PM »
khup chan mandaly ......... paristhiti kharach kathin aahe

Amol Ashok Devkar

  • Guest
Re: आता तरी भाव द्या
« Reply #3 on: January 03, 2012, 02:49:03 PM »
मराठा हि जात माझी,
महाराष्ट्रात लागते वाट माझी,
मराठा हि माझी जात आहे
याच्यात चूक तरी काय माझी????
इत्तर जातींची चांदीचचांदी,
...कॉलेजमध्ये अडमिशन मिळते कुठेही,
मार्क असतील कमी तरीही???
अन्याय होत असतील कितीही,
मोडेन पण वाकणार नाही.......
जय हिंद, जय महाराष्ट्र!!!!!!!
        अमोल देवकर.....