Print Page - ये सखे

Title: ये सखे
Post by: विक्रांत on August 18, 2014, 09:58:25 PM

उगाच रात्र सरली
उगाच स्वप्न तुटले
सखी तुझे भास मज
प्राणात क्षण झिंगले

किती दूर अचानक
सहज गेली निघूनी
विचारले न पुसले
हृदय विद्ध करूनी

येशील ना लवकरी
खळाळत पुन्हा घरी
पाहता तुला भरेल
घाव उगा झाला उरी

वाटेवरी डोळे माझे
अन कान पदरवी
ये सखे पुन्हा येवूनी
तरल स्वप्न जागवी

विक्रांत प्रभाकर

Title: Re: ये सखे
Post by: deepeshkale on August 19, 2014, 09:10:36 PM