Marathi Kavita : मराठी कविता

मराठी कविता | Marathi Kavita => Bhakti Kavita => Topic started by: विक्रांत on April 09, 2017, 10:39:30 PM

Title: दत्ते लुबाडले
Post by: विक्रांत on April 09, 2017, 10:39:30 PM


भर संध्याकाळी सूर्य उगवला
चंद्रमा दिसला अमावासी ||
रुतले गुलाब जहरी स्पर्शाने
जाहले जळणे चंदनाने ||
बोलणे मधुर रुतले उरात
सुगंध जळत गेला घ्राणी ||
काळवेळ भान व्यर्थ आकळले
विक्रांत जळले पुन्हा येणे  ||
दत्ते लुबाडून जगणे चोरले 
अर्थ हरवले घोकलेले ||

डॉ.विक्रांत प्रभाकर तिकोने
http://kavitesathikavita.blogspot.in