या देशात नेमक चाललं तरी काय?
***************************
स्वातंत्र्य त्यांनी मांडीखालीच
काय गांडीखाली
लपून ठेवलं.
नि
धर्मनिरपेक्षतेच्या मखमली
झुलीत ते लोकशाही
जातीवादाच्या उबीत
उबवीत बसलेत.
मग
ते तांडेची तांडे निघालेत
उरात जाती जातीची धग
पेटती ठेऊन....
द्वेवेषाच्या आवेशान
ओठाओठातून भंयकर ज्वाला फेकीत
एखादया दैत्यासारखी ....
स्वातंत्र्याचा सूर्य गिळायला
आणि ...
मानवतेची ,समतेची छान छान फुलपाखर
कुठचं कशी दिसत नाहीत ?
भूर्र उडून गेलेत की
का धारदार तीक्ष्ण हत्यारानं
ठार केलेत त्यांनी ?
ठार केलेत म्हणावं
तर
त्यांची प्रेत नाही दिसत इथं
कुठेचं.
समता व मानवतेचे
सुंदर सुंदर मुखवटे घालून
समतेची गाणी तेच बिलिंदर
का गुणगुणत आहेत?
हातात रंग बेरंगी झेंडे घेऊन..?
जाती जातीची गाणी गात .
कुठं निघालेत ?
तिरंगा तर फडफडतो आहे
जोमानं....
सीमेवर लढता लढता छातीवर
गोळया झेलता झेलता
रक्तात न्हालेल्या जवानांच्या हातात
आणि ओठात
जय हिंद चा नारा...
यां देशात नेमक चाललं तरी काय ?
. . . . . . . . . . परशुराम सोंडगे,पाटोदा
९५२७४६०३५८
प्रगल्भ संस्कृती
बथ्‍थड होताहेत जाणिवा, संवेदना सांगताहेत |
बलाढ्य येथे सोन्याचे, ढोल बडवताहेत || १ ||
आवाज त्या आरोळ्यांचा, बहिरे ऐकताहेत |
लपून मागे मुखवट्यांच्या, दृष्टांध फिरताहेत || २ ||
श्रेष्ठ ते कठपुतळ्यांचे, खेळ खेळताहेत |
पुतळ्या त्या धन्य, त्यांचे पांग फेडताहेत || ३ ||
मिंध्य ते वासानांचे, बांध फोडताहेत |
स्वकीयजनांच्या रक्ताचे, पाट वाहताहेत || ४ ||
बकासुर हे नवयुगातील, जिभल्या चाटताहेत |
पामर ते, जे स्वतःचे, भीमरूप विसरताहेत || ५ ||
दाखविती मर्दुमकी, संसाधन उपभोगात |
व्याख्या बदलली, गुलामगिरीची नकळत || ६ ||
पैसा, मनोरंजन, अहंभाव आधुनिक देव |
भूक शमविण्यास, लागतील पृथ्वी कित्येक || ७ ||
असे तरी मनांस, विवेकाची आसं |
होऊनी उपरती, घडेल का प्रगल्भ संस्कृती || ८ ||
आशिष दोशी
कोल्हापूर, १६-०५-२०२१
९४२१०३४४५२