==* कसले माझे जगने *==

[SHASHIKANT SHANDILE]

मी नाजुकसी जरा, साधे माझे वागने
दुःख सोसुन जगते, खोटं माझं हसने
सांगू कसे कुणाला वेदना या मनाच्या
नशीबाचे देने हे, कसले माझे जगने

स्वप्न पाहते मीही, हसन्याचे जरासे
स्वप्नातच हे माझे स्वप्नातले हसने
वाटे उडावं मीही वाऱ्यासवे आसमानी
स्वप्नातच हे माझे आसमानी उड़ने

बदलू कसे मी आता या भाग्याच्या रेषा
हे भाग्य नाशिबाने दिले मला कसले
घेऊन दुःख ओठी जगते आजही मी
जर हेच भाग्य माझे नको मला हे जगने
नको मला हे जगने
-------------------------
शशिकांत शांडीले (SD), नागपूर
भ्र . ९९७५९९५४५०
दि . २५/१२/२०१५