भेट

[विक्रांत]

गाडी धडाडत होती
रात्रही वाढत होती
समोरील बर्थवर
ती पण जागीच होती १
लाकडी बर्थचा होता
बहाणाच खरतर
झोप कशी लागणार 
पाहता तिला समोर २
एक दिसाची ओळख
मनास व्यापून होती
उगाच बोललो काही
प्रीत उमलत होती ३
काय बोललो मी किती
याची नसे आज स्मृती
पण ती रात्र जणू की
देही झिनझिन होती ४
हसतांना डोळे तुझे
किती सुंदर दिसती
मनास माझ्या जणू मी
ठेविले शब्दावरती ५
प्रश्न येताच कळून
काही क्षण थबकून
दिधले उत्तर काही
तिने यावर हासुन ६
त्या मधुर हसण्यान
जीवन आले फुलून
सारी रात्र धड धड
अन सारी रात्र स्वप्न ७
पण ती सुंदर भेट
नच झाली कधी प्रीती
जागी झाली ओढ तरी
नशीबा मान्य नव्हती ८
मग कश्यास नकळे
ती भेटही झाली होती
सारेच प्रवास असे
का विरहीच  असती ९
ते हसणे तो प्रवास
जणू कालचा वाटतो
नि घडता यात्रा कधी
अशी तिला मी स्मरतो १०

विक्रांत प्रभाकर
http://kavitesathikavita.blogspot.in/

[amoul]

apratim....

[विक्रांत]

thanks amoul

[Ankush S. Navghare, Palghar]

Vikrant ji...
... Khup chan ahe kavita. Tumchya kavitet kami shabdan madhe khup artha asato.

Regards...

[केदार मेहेंदळे]

vikrant,

chaan kavita aani chan kalpana.... mi hyach kavitach 'haiku' rup takal tar chale ka? mi majhyaa kavitet ha ullekh karin. 

[विक्रांत]

केदार ,>>>तुझ्या हायकुचे स्वागत असो. जरूर लिही.
Prajunkush.>>तुझ्या प्रतिक्रिये बद्दल धन्यवाद .

[केदार मेहेंदळे]

Thankx Vikrant