मी कविता का करावी ?

[vaibhav joshi]

मी  कविता का करावी ?
बुद्धीला सुचते म्हणून की मनाला बोचते म्हणून ...
कुणी मला जपतो म्हणून की मी कुणाला खुपतो म्हणून
मी  कविता का करावी ?
सवय आहे म्हणून की काही हवंय म्हणून
जाणीवेच भान जपायचं म्हणून की नेणिवेच पान खुडायचे म्हणून
मी  कविता का करावी ?
केवळ तिचा बाप होण्यासाठी की तिचा गायनसुलभ छाप होण्यासाठी
शक्ती , मुक्ती  भक्ती साठी की युक्ती व्यक्ती अभिव्यक्तीसाठी
मी  कविता का करावी ?
मी  कविता  करावी का?
मी  कविता करावी ... ?

--- वैभव वसंत जोशी , पुणे

[केदार मेहेंदळे]

कविता करावी व्यक्त होण्या साठी
कविता करावी मुक्त होण्या साठी
कविता करावी स्वतः साठी
कविता करावी समाजा  साठी
कविता करावी जगण्या साठी
कविता करावी जगवण्या साठी

केदार.... 

[अशोक भांगे (सापनाई कर )]

शब्दांचा आहार ,
विचारांचा प्रहार ,
प्रेमाचा अविष्कार ,
रागाचा ओघ ,
स्वप्नांचा मोह ,
कविता  आहे एक प्रवाह भावनांचा  ...

[मिलिंद कुंभारे]

छान आहे कविता......

कविता  आहे एक प्रवाह भावनांचा  ...

छान आहे