एक थेंब कृपेचा रे...

[shashaank]

एक थेंब कृपेचा रे...

कृष्णमेघ गगनात
रुप तुझे नयनात
बरसवी अंतरात
तुझ्या कृपेचे अमृत

नांगरुनी रे भुईला
किती शिणलो थकलो
तण विखारी काढता
वारं वार खंतावलो

प्रेमबीज पेरियले
अशा बरड भूमीत
भाव शिंपूनिया ठेवी
रोप थोडे पल्लवीत

मेघ बरसवी आता
झडकरी देवराया
सुकुनिया जाई रोप
आटली का तुझी माया

नाही मागणे अफाट
नसे आस सागराची
तहान ती अति अल्प
एक थेंब चातकाची

एक थेंब कृपेचा रे
मजलागी धाड देवा
परिपूर्ण जीवनाचे
भाग्य लाभे वेड्या जीवा

-shashaank purandare.

[rudra]

waaaa....chaan

[विक्रांत]

अतिशय सुंदर

[केदार मेहेंदळे]

kavita avadali

[मिलिंद कुंभारे]

नाही मागणे अफाट
नसे आस सागराची
तहान ती अति अल्प
एक थेंब चातकाची .......

अतिशय सुंदर, apratim, manapasun aavadalay........

[shashaank]

Thanks to all of you ........

[sweetsunita66]

मस्त कविता ....

[vijaya kelkar]

अतिशय भावपूर्ण

[विक्रांत]

    far chhan