पाऊस म्हणजे

[Saee]

पाऊस म्हणजे सोहळा आठवणींचा
ज्याचा थेंब अन थेंब असे ओला
पाऊस म्हणजे तुझ्या माझ्यातील
अल्लड बालिश अबोला

पाऊस म्हणजे फक्त मी
तुझ्याच साठी घडलेली
पाऊस कळी चाफ्याची
तुझ्याच साठी उमललेली

पाऊस म्हणजे कधी तू भासतोस
रुबाबदार, हवाहवासा वाटणारा
का पाऊस म्हणजे तो ढग
तुला पाहण्यासाठी झटणारा

पाऊस आला कि होते तुझी आठवण
आयुष्यातलं सगळ्यात स्वप्नवत वळण
आणि पुन्हा सजतं तुझ्या प्रतीक्षेत
थेंबांच्या रांगोळीने माझं अंगण

भेटूयात पुन्हा पुढच्या पावसाळ्यात
घेऊन जातील सरी, मला तुझ्या विश्वात
भिजुयात दोघेही, पुन्हा कोसळणाऱ्या पावसात
पाहूयात जुळून येतो का आपल्यातला संवाद........

[rudra]

saee...sundar vakyarachna keli aahe...

[प्रशांत नागरगोजे]

nice poem....

[saee puranik]

Thank you