काळ आला होता पण वेळ आली नव्हती...

[Ankush S. Navghare, Palghar]

स्टेशनवर बसलो असता
काही माणसे ओरडत होती
कोणाच्यातरी जीवनाची नाळ
त्याच्यापासून तुटत होती
अचानक कुणीतरी पकडले
म्हणून थोडक्यातच निभावले
कोण कुणाचे नव्हते तरी
सर्वच मनातून हळहळले
नंतर सर्व शांत
काहीच झाले नाही असे वाटले
जरावेळ काही थांबले आणि
आपापल्या वाटेने गेले
गाडीही जरावेळ थांबली
तीही मग निघून गेली
पण जाता जाता काहीतरी
निरोप मात्र ठेऊन गेली
चढताना घाई करू नका
चालत्या गाडीतून उतरू नका
रोज नशीब साथ देत नाही
दरवेळी कोणी कायमचे सुटत नाही
आज काळ आला होता
पण वेळ आली नव्हती
पण उद्या काळ आला नसेलही पण
वेळ नक्की येईल...
वेळ नक्की येईल...

... प्राजुन्कुश
... Prajunkush.

[vijaya kelkar]

छान कविता ,
हो ना प्रत्येक वेळ सांगून येत नाही.

[Ankush S. Navghare, Palghar]

Dhanyavad...

[sweetsunita66]

रोज नशीब साथ देत नाही
दरवेळी कोणी कायमचे सुटत नाही
आज काळ आला होता
पण वेळ आली नव्हती
पण उद्या काळ आला नसेलही पण
वेळ नक्की येईल...
वेळ नक्की येईल..

     खरे आहे !बरेच वेळा मुंबईला हे दृश्य पाहायला मिळते ,पण लोक एवढे घाईत असतात कि लगेच विसरतात आणि पुन्हा तेच !

[Ankush S. Navghare, Palghar]

Dhanyavad  Sunitaji...