फूल आणि फुलपाखरू

[sulabhasabnis@gmail.com]

     फूल आणि फुलपाखरू
एकदा एक फुलपाखरू फुलाजवळ आले
चिमुकले पंख पसरून पाकळीवर बसले
करून स्वागत, फूल मनापासून हसले
पाखरू पुसू लागले प्रश्न कसले कसले
कसे होणार तुझे राहून इतके भोळे
प्रत्येक येणाऱ्याचे हसून स्वागत केले
त्यांनी तुझा मधु-गंध-परागकण लुटले
शेवटी तुझ्यापाशी सांग ना काय उरले
सुंदर जीवनातून सांग काय लाभले
पुन्हा एकदा हसून फूल हळूच बोलले
देण्यातले सुख घेणाऱ्याला कधी कळले
देता-देताच माझे जीवन धन्य झाले
         -------------     

[aspradhan]

अतिशय  नाजुकतेने लिहिलेली  भावमय कविता .Congratulations !!!

[sulabhasabnis@gmail.com]

thanks----!!!