'कोणासाठी' लिहिणे झाले बंद!...

[Nitesh Hodabe]

===================================================================================================

फुलांचे फुलणे झाले बंद?
वसंत ऋतुचे सजणे झाले बंद?...
कसा चंद्रही अंधाराने व्याकुळ?
आज चांदणे पडणे झाले बंद!...
श्रावणातला पाउस येतो-जातो;
पावसातले भिजणे झाले बंद!...
वाट कुणाची कोणी पाहत नाही;
डोळे लावुन बसणे झाले बंद!...
डोळ्यांमध्ये येतच नाही पाणी
रडणे आणिक हसणे झाले बंद!...
शहरामध्ये अमाप गर्दी झाली;
मनुष्य तरिही दिसणे झाले बंद!...
जमती अड्डे मित्रांचे पण माझे-
तिथले उठणे-बसणे झाले बंद!...


स्वतःशीच मी हितगुज करतो आता
कुणास काही म्हणणे झाले बंद!...
'अजब' मनाला सुचेल ते-ते लिहितो;
'कोणासाठी' लिहिणे झाले बंद!...

===================================================================================================

? Nitesh Hodabe ?

===================================================================================================

[asawari]

स्वतःशीच मी हितगुज करतो आता
कुणास काही म्हणणे झाले बंद!...
'अजब' मनाला सुचेल ते-ते लिहितो;
'कोणासाठी' लिहिणे झाले बंद!...


superb re..... khup mast lihit ahes tu...me tuzhi pratek kavita vaaach te dar veli ya site var.....

khup khol var artha ahee tuzhya writings na,

[bhagyashri89]

cute.... Mala khup avadli kavita

[केदार मेहेंदळे]

khup chan lihile ahe.. keep it up....

[संदेश प्रताप]

Apratim mitraa

[Saee]

awesome.....fantastic....

[Madhu143]

Khup chan lihato aahes asech lihit raha....
Keep it up..

[rups]

apratiiiimmmmm......