तू समोर असताना

[Shri_Mech]

तू समोर असताना

शब्द उतरतात मनातून कागदावर,
तशीच तू येतेस मनातून माझ्यासमोर,
भान हरपून मी पहातच राहतो,
कसा हा जीव तुझ्यासाठी वेडावतो....

बोलायला लागली की मनाचा पिसारा फुलतो,
जणू काही एक ना एक शब्द वेचायला लागतो,
बाजच निराळा तिच्या बोलण्याचा,
प्राण लावून ऐकत राहण्याचा....

अशीच रहावीस तू कायमची,
हास्य मनावर फुलवणारी,
असाच वेचत रहावास पारिजातक अन्
तुम्हा दोघांच्या दरवळात सृष्टी नहावी....

Shri_Mech