त्या पावसात.

[sagar dubhalkar]

त्या पावसात

कालच्या त्या पावसात
मी पहीला पाऊस आठवला
अन् पापणीवर येण्या आधिच तो थेंब
तसाच डोळ्यात साठवला

उभी राहिले दारात उगीच
ओलं व्हावं सहज म्हणून
कदाचित त्यालाही कळलं आता
मला तुझी आठवण येते म्हणून

गरजु लागला तो ढग असा
कि धो धो लागला पडायला
मी लपवलेला एक एक अश्रु
तो बाहेर लागला काढायला

पाणावायचे डोळे रोज
पण लाज वाटे रडायची
उभी राहायचे दारी
आणि वाट पाहायचे पाऊस पडायची

मग त्या पडणाऱ्या पावसात
मी खळखळून रडायचे
गालावरच्या पावसाच्या थेंबात
अश्रू सहज बुडायचे

मी पुन्हा पुढच्या पावसापर्यंत
बंधन हेच पाळायचे
पाणावलेल्या डोळ्यातले थेंब
मी डोळ्यामधेच गिळायचे.

- सागर दुभळकर
  9604084846