श्रीदत्त दिगंबर

[विक्रांत]

पवन गतीने कोण चालले
तेज शलाके विश्व ढवळले
गिरनाराचे ते भाग्य उदेले
श्रीदत्त दिगंबर येथे वसले
महापुण्यवान करवीरस्थान
कि प्रभू मागती भिक्षापान
अहो भाग्याची माय जान्हवी
कि स्नान संध्या देवे करावी
आणिक रजनी अपूर्व माहुरी
जिच्या कुशीत निद्रिस्त मुरारी
कुठे नसे तो कुठे असे तो
सर्वव्यापी परी लीला दावितो
भक्त हृदयी सदैव वसतो
अल्प भक्ती अन धीर पाहतो

विक्रांत प्रभाकर
http://kavitesathikavita.blogspot.in/