==* कसं रे देवा *==

[SHASHIKANT SHANDILE]

आंधळीच माणसे आंधळ्याच वाटा
पोटापाई मरतो हा कसा अन्नदाता
जगवे ना जगणे त्याचे कसलाहो भरोसा
आंधळीच माणसे आंधळ्याच वाटा

मदत कुणाची त्याला साथ कुणाचा
लागला हा डाग बघा शेती खुनाचा
काय नशिबी त्याच्या पाप कुणाचा
आंधळीच माणसे आंधळ्याच वाटा

मुलं बाळं याचे उपाशी बायको विचारा
विनाशाचा देवा केला कसलारे इशारा
बघुनिया वेदना या भरला रे गळा हा
आंधळीच माणसे आंधळ्याच वाटा

किती तरी करतो मेहनत भाव न कशाला
म्हणूनिया घेतो कंठी हारुन विषाला
काय दोष देवा याचा कसला रे अन्याय
आंधळीच माणसे आंधळ्याच वाटा

कर काही किरपा तू आता बळीराजा
अंत नको पाहू देवा आता गरीबाचा
तुझ्या चरणी घेऊन आलो एकटीच आशा
आंधळीच माणसे आंधळ्याच वाटा

आंधळीच माणसे आंधळ्याच वाटा

-----------------------
शशिकांत शांडीले (SD), नागपूर
भ्रमणध्वनी - ९९७५९९५४५०
दि.०७/१२/२०१५