तू भेटण्याआधी...

[श्री. प्रकाश साळवी]

तू भेटण्याआधी...! (कविता तिसरी)

सारे कसे विचित्र होते
कधी साकार होते
कधी नकार होते
मनाच्या अवस्थेचे
सारेच विचित्र होते!
विचारांचे वादळ होते,
मनाच्या खोल गर्तेत
सागराचे तांडव होते
नजरेत आतुरता होती
भिरभिरणा-या नजरेत
चंचलता होती
एवढा अस्वस्थ
कधी झालोच नव्हतो
घामाच्या धारांनी
पावसासारखा भिजत होतो
मनाची हूरहूर वाढत होती
तुझ्या येण्याची चाहूल
लागत नव्हती!
ठार वेडा झालो होतो...
तू भेटण्याआधी...
येणा-या प्रत्येक आकृतित
तुच दिसत होतीस
जवळ येताच निराशाच होती
तू भेटण्याआधी
मन आतुर झाले होते
अन त्याक्षणी.....!
विश्वास बसत नव्हता
तू भेटण्याआधी
भर दिवसा, चांद चमकत होता

श्री. प्रकाश साळवी.