खिडकी

[Dnyaneshwar Musale]

माझ्या घराच्या समोर
एक आहे खिडकी
त्या खिडकीत दिसतो एक चेहरा
तो  लाखमोलाचा सुंदरसा मोहरा.

सकाळच्या कोवळ्या उन्हात
ती घेते त्या खिडकीचा ताबा
जणु बघण्याची मला
देतच असते मुभा.

मी नजर चुकवुन तिच्याकडे बघतो
तिला बघण्याच्या आशेने रात्रीला हि जागतो
एक दिवस तिला ते कळलं
आणि खिडकी नावाचं फुलच कोमजल.

खिडकी झाली होती आता बंद
पण मला ती बघण्याचा लागला होता छंद
वाटतं कधी तरी उघडेल ती खिडकी
पण समोर दिसते फक्त भिंत पडकी.