सोबत काही येत नाही...!

[Rajesh khakre]

रोज रोज अनुभवतो मात्र कधी शिकत नाही
सोबत काही येत नाही ध्यानी हे राहत नाही

हे माझं ते ही माझं हव्यास काही सुटत नाही
कितीही कमावले पैसे पोट मात्र भरत नाही

पाप नि पुण्यांचा विचार ही विसरुन जातो
आपला घास हाती तरी दुसर्याचा हिसकावतो

संसाराच्या नावाखाली इतका लाचार होतो
आपले परके स्वार्थापुढे सर्व विसरून जातो

दुसर्याचे सुख ही त्याला कधी बघवत नाही
हसु चेहऱ्यावर आतून मात्र जळफळाट होई

एक गोष्ट मानवा मात्र मनावर बिंबवून ठेव
एके दिवशी तुझा हिशोब करणार आहे देव
©राजेश खाकरे
Mo.7875438494
rajesh.khakre@gmail.com