प्रेमाची आठवण

[yallappa.kokane]

प्रेमाची आठवण

सावळ्या नभांना काय सांगू
घालमेल होणारी माझ्या मनाची,
सातासमुद्रा पलीकडे आहे सखी
देतात करूनी आठवण प्रेमाची !

कोसळतो पाऊस अंगणी माझ्या 
अंगणी तिच्याही तोच बरसतो?
दाटून आल्यावर ढग आठवणींचे
झुरायला मलाच का तो लावतो?

कोसळून गेला पाऊस धो धो
अन् तिच मनात रेंगाळत आहे,
गंधात हिरवळीच्या माती संगे
नजरेत चेहरा तो तरळतो आहे !

कासावीस मन विचारात तिच्या
स्मरत असेल? ती पण मजला?
सरत्या सरींच्या सह खिडकीतून
यत्न विसरण्याचा करतो तिला !

यल्लप्पा सटवाजी कोकणे
५ मे २०१६


९८९२५६७२६४