तृषार्थ

[पल्लवी कुंभार]

सप्तरंगी या जीवनी
जगते सर्व इच्छा मी मनकवडी
का हा समुद्र रोरावतो
मनी सुप्त इच्छांनी रुद्रावतो
वासनेचे मेघ उरी बांधतो
प्रेमसरींनी असा वर्षावतो
विरहाच्या धुक्यात तुला शोधतो
थंडीच्या उन्हात तुला बिलगतो
सोबतीला रात्रीच्या सावली धुंडाळतो
पाहावे शिल्प तसे न्याहाळतो
आसक्त भ्रमरापरी ओठांना स्पर्शतो
तृष्णेचे घडे मिलनात भरतो
मोरपिशी स्वप्नांची आस धरतो
या घडीला, एक तृषार्थ, नदीसवे वाहतो

~ पल्लवी कुंभार

[कवी - गणेश साळुंखे]

नमस्कार
तुमच्या 3 कविता वाचल्या मेहंदी तर खुपच आवडली अन त्याहुन तृषार्थ मनाला अधिक भावली प्रेमाच अन शृंगार रसाचं वर्णन अद्भुत शब्दांत मांडलय तुम्ही really awesome and romantic...