II चांदणं फितूर झालं II

[siddheshwar vilas patankar]

चांदण्याने फितुरी करुनी

शशिस जणू फसविले 

शोधून कंटाळला तो

पण कौमुदीने हरविले II

गुप्त  होई तो प्रकाश

रिक्त ते  सारे आकाश

चांदण्यावीन व्यर्थ सारे 

निरर्थक ती यामिनी

तिमिर खाई व्योमास

तिमिर दाटे  काननी II

भेटुनी तो भास्करास पुसे 

कौमुदी का पाहिली ?

उत्तरे रवि त्यावरी

आता ती तुझी नाही राहिली II

शोध घेई चान्द्न्याञ्चा

चाले  सिम्हावलोकन

भूतकाळ नित्य स्मरण

घेउनि हाती दर्पण 

रडू  कोसळे शशीला

स्वगत करी मनाशी

उगवल्यानंतर कसा आता

खेळू मी कुणाशी ?

कसे वाहू ओझे मी

अम्बराचे तुझ्याविना ?

तूच माझी सहचारिणी

ये जवळ पुन्हा पुन्हा II

[uttam pawar]

kalpanaa chaan aahe

[spatankar_13]

धन्यवाद मित्रा . देवाची कृपा आहे आपल्या सर्वांवर म्हणून कल्पना येते.