फीतूर झालेल्या दर्पणाने

[sameer3971]

तुझे रूप विसरायचे म्हणून
आरश्यात जेव्हा मी पाहीले
फितूर झालेल्या दर्पणाने
फक्त तुझ्याच छबीला दाखवीले

सलगी तुझी नकोच म्हणून
दुरवर झोपडे मी बांधले
फितूर झालेल्या मग वार्याने
बिलगून स्पर्शात तुझ्या मोहवले.

आर्जवे तुझी नकोत म्हणून
गाण्याचे व्यसन मी सोडीले
फितूर झालेल्या स्वरांनी पण
फीरून झंकार तेच छेडीले

नृत्य आठवणींचे नकोत म्हणून
माझ्याच नाचात मी गुंतलो
फीतूर पैजणांच्या आरवाने
पदरव तुझेच पण गुंजले

कळून चूकले माझे मलाच
स्वताःला कितीही मी कोंडले
फीतूर अंधाराने सावलीस सुद्धा
तुज छायेस अवचित जोडले

समीर बापट
मुंबई
4 जून 2016.