एक तरी झाड लावु

[Dnyaneshwar Musale]

झाड हे श्वास
ताटातला घास
चंदनाचा वास
जगण्याचा सहवास.

नसे काही निरुपयोगी
कण कण उपयोगी
चाखावी रसाळ फळे
वाढता वनराई
पाझरल तळे.

कोणी येई नंग्या पावली
विझवुन आग झाड देई  सावली
कोण्या कंपनीची  नसे निर्मिती
रुजुन बीज अंकुरते माती.

चालुन कुऱ्हाड
झाली काटछाट
हरवलं रान
पावसानं फिरवली पाठ
दुष्काळानं अडली वाट
जंगलं न व्हावी भुईसपाट.

झाडं देतात प्राण वायु मोफत
मग कशाला बसशील दवाखान्यात खोकत
आता  एक तरी झाड लावु
झाडांची काळजी सारे मिळुन घेऊ.