बदल

[रेनी]

हा ही काळ जाईल ओसरून
उन्हा नंतर सावली जाईल पसरून

नात्यांना नको ठेवूस मुठीत पकडून
जायचे तेव्हा ते जातील सत्य नीट समजवून

वादळाने घर ठेवले उध्वस्त करुन
पण जाताना एक ठेवले अंगण सावरुन

सारेच रंग क्षणात दिव्यागत गेले उजळुन
प्रेमाच्या रंगात जेव्हा कायम ठेवले स्वतःला बुडवून

तू चांगला की मी वाईट हा प्रश्न नव्हता कधी आला उफाळुन
आपले विचार कधीच नाही आले एक दिशेत उजळून