==* शब्द माझे *==

[SHASHIKANT SHANDILE]

शब्दांना भावार्थ न येता
ओढ़ कवितेची हरली
एकांती ही जीवनगाथा
मनी शब्दावली सरली

शोधतो अंतरमनात मी
हरवलेले शब्द सारे
वाहतील परत एकदा ते
शब्दांचे थंडगार वारे

दुरावून बसले जरी का
शब्द ते भाव मांडणारे
येतिल परतुन जीवनी
नऊरस प्रेमगीत गाणारे

विश्वास नशिबाचा नाही
शब्दांचीच हमी आहे
एकट्या जीवनी माझ्या
शब्दांचीच साथ आहे
----------//**--
शशिकांत शांडिले, नागपूर
भ्र. ९९७५९९५४५०