असाच बरसत जा

[Dnyaneshwar Musale]

रिम झिम धारा
पाऊस वारा
जुळ जुळ पाणी
किलबिल गाणी
छेदुन गेली मनाला
उघडुन कडी
जग दिसे  कणाला,
गंध वेलीचा हसरा
रानोरान फुलकळ्या  पसरा
रंग भरून दाटे ही हिरवळ
झगमगणाऱ्या रातकिड्यांची दरवळ
डोंगर दऱ्या माळरान
बहरून आलंय छान,
पाऊल वाटा
झाल्या खोट्या
बिचकवुन टाकती
या मनाला छोट्या,
झाकळलेले ढग
लागले हे बरसु
असच बरसत जा
नको आम्हा
पुन्हा तरसु,
करू नको
आमची इवलीशी
ती खोड
असाच बरसत रहा
राग रुसवा तु सोड.