***** दान करणे आहे *****

[Shri_Mech]

दान करणे आहे


तिने केलेली प्रेम बरसात
तिच्या मायेचा ओलावा
तिचा भावलेला भाबडेपणा
तिच्या शब्दांची गहराई
दान करणे आहे


तिच्या डोळ्यांची निरागसता
तिच्या आवाजातली गोडी
तिच्या स्पर्शाचा शहारा
अन नथेची नजाकत
दान करणे आहे


तिच्या येण्याची पाहिलेली वाट
तिने काढलेला रुसवा फुगवा
तिच्या 'sorry' ने वितळलेला राग
तिच्या येण्याने फुललेला श्वास
दान करणे आहे


तिने दिलेली बासरी
महाबळेश्वरला घेतलेली हॅट
FC रोड ला घेतलेलं वॉलेट
'आशिकी-2 ' ची दोन तिकिटे
दान करणे आहे


सिंहगडावर केलेला कल्ला
'वैशाली' मधे केलेली धमाल
'भुशी डॅम' चे 'शाही स्नान'
अन 'लोहगड' वरची भटकंती
दान करणे आहे


एवढेच नाही तर,

नशिबाने आमची सोडलेली साथ
संकटांनी केलेला पाठलाग
मनात खोलवर रुतलेले घाव
मजबुरीने तिने मोडलेला डाव
सुद्धा दान करणे आहे


आम्ही पाहिलेली स्वप्ने
तिने दाखवलेली आशा
तिने दिलेल्या आठवणी
एकमेकाला घातलेल्या शपथा
दान करणे आहे


ती गेल्यावर आलेलं वादळ
तिच्या विरहाचा तप्त दाह
न संपणारा दिवस
अन खायला उठणारी रात
दान करणे आहे


पार कोमेजलेली आमची मने
नैराश्याचा खळखळता प्रवाह
अश्रूंनी चिंबलेली शेवटची भेट
अन टाळलेला आत्महत्येचा विचार
दान करणे आहे


गरजवंतांची वाट
मी खूप वेळ पहिली
सांगा कोणी घेतंय का
माझ्या या गोष्टींचं दान...?


Shri_Mech