***** पुन्हा परतणे नाही *****

[Shri_Mech]

पुन्हा परतणे नाही


यावी पुन्हा धुंदी
विस्मृतीत गेलेली
ती तशीच हसावी
मला बेहोष करण्यासाठी


पुन्हा तो काळ परतावा
प्रेमाचा उत्सव साजरा व्हावा
तिच्या नुसत्या असण्याने
चैतन्याचा सळसळाट व्हावा


तिच्या अस्तित्वाचा गंध
पुन्हा दरवळून उठावा
त्या मुग्धतेला मोहून
मी बगीचा पालथा घालावा


बेफाम घोड्यासारखा
तिच्या भावनांचा आवेग
बरसवतो श्रावण सरी
तो आठवणींचा ढग


ताबा न राही आता
लेखणी सुसाट धावते
तुझ्या वर्णनाने
भरून वाहती उतारे


खरंच, काय दिवस होते
भुर्र्कन संपून गेलेले
आपल्या गप्पांच्या ओघात
वेळेला मागे टाकणारे


एकच गोष्ट मन खाते
जाणीव जीवाला टोचते कि,
ते मोरपंखी दिवस
पुन्हा परतणे नाही


Shri_Mech

[vikrams13]

खूप छान