|| स्त्री जीवन ||

[k.suhas]

मी अशीच जगत आली
मुलगी म्हणून आई वडिलांचं
बायको म्हणून नवऱ्याचं
आई म्हणून मुलांचं
नेहमी मीच ऐकत आली
मी अशीच जगत आली

माझी इच्छा माझ्या अपेक्षा
माझी स्वप्न सारं काही
मी उशीखाली लपवत आली
मी अशीच जगत आली

कधी शिक्षणासाठी
कधी अधिकारांसाठी
जगात मोकळा श्वास घेण्यासाठी
या समाजासोबत सतत लढत आली
मी अशीच जगत आली

सकाळपासून रात्री पर्यंत
काही घरचं काही बाहेरच
बाराही महिने सतत
मी राब राब राबत आली
मी अशीच जगत आली

पिणारा नवरा , बेरोजगार पोरगा
गळत छप्पर या चार भिंतीमध्ये
सारं काही सावरत आली
मी अशीच जगत आली

घरच्यांच्या पोटभर खाण्यासाठी
कधी अर्धी भाकर खाऊन
कधी नुसता पाणी पिऊन
स्वतःचे पोट भरत आली
मी अशीच जगत आली

ज्याची म्हणून जगली तो सोडून गेला
ज्याच्यासाठी जगली तो विसरून गेला
इतकं सगळं दुःख लपवून
फक्त हसत आली
मी अशीच जगत आली

पण आता हे चित्र मला बदलायचं आहे
माझ्या लेकीला मनाप्रमाणे जागवायचं आहे
उच्च शिक्षण देऊन घडवायचं आहे
कल्पना चावला बनवून उडवायचं आहे
तिच्या मध्ये असं मला जगायचं आहे
तिच्या मध्ये असं मला जगायचं आहे

सुहास काकडे