सावल्या

[शिवाजी सांगळे]

सावल्या

बरं वाटतं कधी
भूतकाळात डोकवायला,
एकटेपणात...
चांगल्या असो किंवा वाईट...
सावल्या त्याच्या.... घुटमळत राहतात
भोवताली ,
उत्साहित करतात
काही घटना, मोजके किस्से,
टोळक्याने ते शाळेत जाण,
एकत्रित शिक्षा भोगण...
पुन्हा भेटायच्या शपथा घेण,
पाणावल्या नेत्रांनी
दूरावणं...!
करिअर, घर आणि
जबाबदारीचं सावट
आता गर्द होऊ लागलयं
ओढत नेऊ लागलय
निरागसता...
तो अल्लडपणा,
जो हसतो कधी कधी...
एकटेपणात...

© शिवाजी सांगळे 🎭