कविता II हात सोड कटेवरचे , उचल बडव्यांशी लढावया II

[siddheshwar vilas patankar]

भ्रम कैवल्याचा साधला

भक्ती नामातच तू बांधला

कुणी पहिला रे तुला

दगडामध्येच अडकला

खांब सोनेरी रुपेरी

तरी उभा विटेवरी

बडवे मातले ते सारे

उगा भक्तांसी छळेऱे

दावा कोरी नोट त्यांसी

बनवून माऊलीस दासी 

बडवे  राजभोग भोगती

तुझा दरबार पातला,

दुर्लभ भक्त दर्शनासी

स्वतः समजून ते राजे

शिवीगाळ गाभारा माजे

कैसी शिस्त नाही जाण

कोऱ्या नोटेस फक्त मान

तुझ्या दरबारी विठुराया

फक्त लक्षुमीची छाया

हात सोड कटेवरचे

उचल बडव्यांशी लढावया


सिद्धेश्वर विलास पाटणकर C