==* असा हा मुंबई प्रवास *==

[SHASHIKANT SHANDILE]

असा तसा कसा तरी संपला प्रवास
कुठे सुंदर दृश्य कुठे घमंग वास
कुठे गार वारा जसा समुद्रकिनारा
कुठे पोस्टरांतून राजकीय ध्यास

असा हा मुंबई प्रवास

नोटबंदीत कित्येक मदतीला हात
कुठे पेटिएम कुठे डेबिटची रात
वेळेच्या तालावर नाचणारी माणसं
कुठे प्रांतवाद कुठे जातीला मात

असा हा मुंबई प्रवास

माथ्यावर कुंकू जणू हॉटेल ताज
गेटवे ऑफ इंडियाचे इथेच राज
मंत्रालय म्हणजे विरोधाचे नारे
नरिमन पॉईंट वर सेल्फीचा माज

असा हा मुंबई प्रवास

रस्त्यावर धावणारे वाहन हजार
जागोजागी लागे स्वस्त बजार
वडा पाव सोबत चहाचा प्याला
लोकलने माणूस झाला बेजार

असा हा मुंबई प्रवास

फॅशनच्या नावाने कापडी लहान
कुठे पाछ्यात्य कुठे भारतीय मान
आर्थिक क्षेत्रात जी भारताची शान
विविधतेने नटलेली मुंबई महान

असा हा मुंबई प्रवास
------------------//**--
शशिकांत शांडिले, नागपूर
भ्र.९९७५९९५४५९
दि.२७/१२/२०१६