दिनदर्शिका

[yallappa.kokane]

दिनदर्शिका

दिनदर्शिका प्रत्येकाच्या घरोघरी
भिंतीवर असते नेहमी टांगलेली
महत्व तिचं कायमच आहे
जणू जिवनाचा भाग असलेली

सुखाची असो वा दुःखाची
देते करून ती आठवण
तिला पाहता गत वर्षाची
मनात कायम राहते साठवण

नको असलेले, हवे असलेले
दिवस दिनदर्शिकाच दाखवते
मैत्रीण आहे की वैरीण ती
हे सर्व तिच्यामुळेच घडते

याही वर्षी असंच होणार
जुळलेलं नातं रद्दीत जाणार
दिवस सुखाचे जावो म्हणत
नवीन भिंतीवर टांगली जाणार

यल्लप्पा सटवाजी कोकणे
०१ जानेवारी २०१७


९८९२५६७२६४