मकर संक्रांति शुभेच्छा

[mrunalwalimbe]

का कळेना  
कोणत्या क्षणी 
मन हे भांबवते 
कधी मोहरते  
कधी हुरहुरते 
हे नाते जन्मांतरीचे 
का कळेना  
कोणत्या क्षणी 
मन हे बावरते 
कधी हरवते 
हे नाते आपुलकीचे 
का कळेना  
कोणत्या क्षणी 
हे बंध जुळले प्रितीचे 
हळव्या ओल्या भावनांचे 
हे नाते रक्तापलीकडचे 
का कळेना  
कोणत्या क्षणी 
मनाच्या कप्प्यात स्थान मिळाले 
हे नाते पूर्वजन्मीचे 
मनास भिडलेले हे नाते 
असेच रहावे घट्ट कधीही 
विलग न होण्यासाठी 
 
मृणाल वाळिंबे 
 
अशा साऱ्या माझ्या सहदयांना 
संक्रांतिच्या खूप शुभेच्छा 
तिळगूळ घ्या अन् गोड गोड बोला