स्वभाव

[shubham shahaji supane]

स्वभावाचं घेऊन सांगतो
प्रत्येकाचा वेगळा असतो
आज पेढ्यांमध्ये थोडा
उद्या मिरचीसारखा भासतो

माणसाच्या स्वभावाला
अनुभवाची जोड मिळत असते
सर्व सारखी असली तरी
गुणांवर किंमत ठरत असते

वात्रट असला म्हणून जरी
तोडून त्यास चालत नसते
चांगले म्हणवून घेण्यास तर
आयुष्य खर्ची पडत असते

शेवटी तिखट गोड सारे तर
आयुष्याचे रंग खरे
बिनरंगाच्या आयुष्यापुढे
माणूसही मूर्ती ठरे