कष्टकरी

[Asu@16]

     कष्टकरी

भर दुपारी बांधावरती
कडूनिंबाच्या झाडाखाली
श्रमजलधारा अंगावरती
झुळूक येता अंग मखमली
स्वर्गासम वाटे धरती
जमले सगळे घेऊन शिदोरी
लसूण-चटणी, कांदा भाकरी
सोबतीला आचार नवा
घास देऊन भूमातेला
मिळून म्हणती अमृत जेवा
तिजोरी ना जमीनजुमला
गाडी घोडा नाही बंगला
लपविला खोपटी अनमोल ठेवा
अनुभव घेण्या जगावेगळा
कष्टकऱ्याचा जन्म हवा

- अरुण सु.पाटील 

https://www.facebook.com/AsuChyaKavita