हिरवेगार कुठे गाव दिसेना

[कदम]

धरणी माता जागा देईना

धरणी माता जागा देईना
काही केल्या राग शमेना
अशी माझ्यावर कोपली
श्रावणातही मिश्किल हसली...

धरणी माता जागा देईना
सुखद काही वर्षाव करीना
तलावात मृगजळा विना काही दिसेना
आपात मज हा आता सोसेना...

धरणी माता जागा देईना
पाल्ये तिची वने झाली जुनी
माथ्यावर ओकतोय सुर्य अग्नी
केली लेकरांवरची माया अळणी...

धरणी माता जागा देईना
कुशीत तिच्या थारा देईना
पायांची होते लाही लाही
थेंबाथेंबा साठी भटकंती ठाई ठाई...

धरणी माता जागा देईना
वातावरणाची झीज भरेना
काही केल्या राग शमेना
हिरवेगार कुठे गाव दिसेना...