आम्हीही भ्रष्ट

[शिवाजी सांगळे]

आम्हीही भ्रष्ट

लढ एकटा इथे कुणी कुणाचा नाही
कर कष्ट तू भरवसा नवसाचा नाही

देती दाखले सर्व कथा पुराणातल्या
मानला देव तर कुणा एकाचा नाही

सांगतो आपण श्वास माझा जगाला
अधिकारही तो त्यावर तुमचा नाही

पाहऱ्यास जेव्हां येथे चोरास नेमले
प्रश्न सावाच्या त्या दरोड्याचा नाही

यंत्रणाच भ्रष्ट कुठे तशी कमी आहे
आम्हीही भ्रष्ट रोग ईलाजाचा नाही

असुदे छत्री ती प्रवासात सोबतीला
काहीच अंदाज या पावसाचा नाही

© शिवाजी सांगळे 🦋