नफा तोटा

[शिवाजी सांगळे]

नफा तोटा

नाही फरक राहिलो जरी तोट्याला
झिडकारतो भोवतालच्या खोट्याला

सारेच इतके हतबल आम्ही झालो   
घेतो इंधन झेपत नसता खिशाला

आसपास असता जगणे महाग जरी
मरतो बळी फुकट विचारा मृत्यूला

मुजोरीच वाढली इतकी जिथे तिथे
उरलाय का वचक कानुनी सोट्याला

विकास बसला रूसून वेशीवरती
नाही हो फुरसत आमच्या दौऱ्याला

मांडतोय खरी गोष्ट इथे मनातली
जाव लागो भले कुणाच्या रोषाला

© शिवाजी सांगळे 🎭
संपर्क:९५४५९७६५८९