मावळणाऱ्या दिवसासाठी

[Shamli]

आज मी त्या पायवाटेने
पुन्हा निघाले
पुन्हा चालले
त्या मावळणाऱ्या दिवसासाठी

पायाला लागणाऱ्या रस्त्याची
आपुलकी तीच आहे
तिला तुडवत चालले आहे
त्या मावळणाऱ्या दिवसासाठी

मनातलं पाखरू कसं गप्पं गप्पं
दूरवर धूळ उडते आहे
मी ती डोळ्यात साठवते आहे
त्या मावळणाऱ्या दिवसासाठी

तो दिवस थकला आहे
तो आता विझणार आहे
पण तरीही मी चालतेच आहे
त्या मावळणाऱ्या दिवसासाठी
अन उद्या येणाऱ्या
कोवळ्या
किरणांसाठी....

-शामली
२९-१०-२००९