कोरोना व्हायरस

[Somnath talekar]

कारण लॉकडाऊन चे दिवस
सर्वांसाठी सारखे नसतात


आज दिवसेंदिवस कोरोनाचं
संकट वाढतच चाललंय
लॉकडाऊन मुळे गरिबांच्या मात्र
तोंडचं पाणीच पळालंय
कधी संपेल हे सगळं असंख्य प्रश्न
हातावर पोट असणाऱ्यांना भेडसावतात
कारण लॉकडाऊन चे दिवस
सर्वांसाठी सारखे नसतात

कित्तेक जण घरी का होईना
पण सुट्टी एन्जॉय करतात
आपलं घरदार सोडुन पोलीस, डॉक्टर
आपलं कर्तव्य बजावताना दिसतात
आपल्यावरूनच विचार करावा की
त्यांनाही कुटुंब असतात
कारण लॉकडाऊन चे दिवस
सर्वांसाठी सारखे नसतात

आज आपल्याला घरी राहून
कडधान्य,भाजीपाला भेटतोय
कारण शेतकरी शेतामध्ये
दिवस-रात्र कष्ट करतोय
आज शेतकरी माल विकेल का?
अन् जर विकलाच तर योग्य भाव मिळेल का?
ह्याच विचारात असतात
कारण लॉकडाऊन चे दिवस
सर्वांसाठी सारखे नसतात

संकटात कित्येकांनी माणसातला
माणूस ओळखून माणुसकी दाखवली
कुणी अन्नधान्याची तर कुणी पैश्याच्या स्वरूपाने मदत केली
आता फक्त दिलेल्या  नियमांचे पालन करा
कारण सगळ्यांचीच बँक मध्ये खाते नसतात
अन् लॉकडाऊन चे दिवस
सर्वांसाठी सारखे नसतात

शब्दांचा जादूगर:-सोमनाथ तळेकर
मो.नं 8108885930