कवि : अशोक पुंडे-कविता - बिननावांच्या बिनचेहऱ्याच्या

[Atul Kaviraje]

 मित्र/मैत्रिणींनो,

     आज ऐकुया, "काही गाणी आठवणीतली, काही साठवणीतली !" या गीत-मालिके -अंतर्गत, कवि : अशोक पुंडे यांच्या , संग्रह : कविता - बिननावांच्या बिनचेहऱ्याच्या, यातील काही कविता--

4.
पडझडीचे दिवस आजही आहेत
जसे काल नव्हते तसे नवेही येत आहेत
अशा दिवसानाही केले सुसह्य
त्यावरच केली आजवरची वाटचाल
पाय झिजले वर्तमानकाळाचा कायापालट करताना
संपले दिवस
संपला उपयोग
होऊ लागली अडचण
एका बेसावध क्षणी आलो इथे
स्वयंनिर्णयाला देखील स्वीकृती नव्हती
आता संवेदनशील जाणीवा देखील ठेवायच्या नाहीत
आता नाही आशेच फुल
आता नाही अपेक्षांचा पक्षी
एखादा संवाद फक्त मौनातच उमलणारा
खिन्न सूर्योदय
भरकटलेला दिवस
निराशेचा सूर्यास्त
मलूल चंद्रदोय
जीवघेणी रात्र
कोरड्या त्रयस्थ नजरा
बेदखल झालेलं अस्तित्व
पोहोचताच येत नाही कोणाजवळ
भाषा संपली
अस्तित्व झाल उपयोग नसलेल्या सहाव्या बोटासारख
हळू हळू वागवलं जातंय जगण्याच्या या चौकटीतून बाहेर काढल्या सारखं
नात्याचे गुंते संपताना तिळ तिळ तुटते आहे आतडं
पण आता दुसऱ्याच्या भावनेवर टाकलेलं आयुष्य उचलून दूर जाणार आहे
मृत्यूचा पापणी नसलेला डोळा बघण्यासाठी

=====================
कवि : अशोक पुंडे
संग्रह : कविता - बिननावांच्या बिनचेहऱ्याच्या
=====================

--प्रकाशक : शंतनू देव
(FRIDAY, JULY 1, 2011)
--------------------------

                (साभार आणि सौजन्य-माणिक-मोती.ब्लॉगस्पॉट.कॉम)
                          (संदर्भ-♫ गाणीमराठी.com ♫♪)
               -----------------------------------------------

-----संकलन
-----श्री.अतुल एस.परब(अतुल कवीराजे)
-----05.10.2022-बुधवार.