१९-जानेवारी-दिनविशेष

[Atul Kaviraje]

मित्र/मैत्रिणींनो,

     आज दिनांक-१९.०१.२०२३-गुरुवार. जाणून घेऊया,आजच्या दिवसाचे "दिन-विशेष"

                                 "१९-जानेवारी-दिनविशेष"
                                -----------------------

-: दिनविशेष :-
१९ जानेवारी
=========================================
अ) महत्त्वाच्या घटना:
   ----------------
१९९६
उस्ताद अल्लारखा खाँ यांची मध्य प्रदेश सरकारच्या कालिदास सन्मानासाठी निवड
१९९६
प्रसिध्द मल्याळी लेखक एम. टी. वासुदेवन नायर यांची १९९५ च्या ज्ञानपीठ पुरस्कारासाठी निवड
१९८६
(c)brain नावाचा कॉम्प्युटरचा पहिला व्हायरस पसरण्यास सुरूवात झाली.
१९६८
पहिली यशस्वी हृदयरोपण शस्त्रक्रिया डॉ. ख्रिस्तोफर बर्नाड यांनी केली.
१९५६
देशातील सर्व विमा कंपन्यांचे राष्ट्रीयीकरण करण्याचा राष्ट्रपतींचा वटहुकूम
१९५४
कोयना धरणाच्या जलविद्युत प्रकल्पाच्या पहिल्या टप्प्याचे भूमिपूजन झाले.
१९४९
पुणे नगरपालिका व उपनगरपालिका विसर्जित होऊन 'पुणे महानगरपालिका' स्थापन झाली.
१९४९
क्यूबाने इस्त्रायला मान्यता दिली.
१९४२
दुसरे महायुद्ध – जपानने ब्रह्मदेशवर आक्रमण केले.
१९०३
अमेरिकेचे अध्यक्ष थिओडोर रुझव्हेल्ट यांनी इंग्लंडचे राजे एडवर्ड (सातवे) यांना बिनतारी संदेश पाठवला. अटलांटिक महासागरापार पाठवलेला हा पहिला बिनतारी संदेश होता.
१८३९
ब्रिटिश इस्ट इंडिया कंपनीने एडनचा ताबा घेतला.
=========================================
ब) जन्मदिवस / जयंती / वाढदिवस:
  -----------------------------
१९३६
झिया उर रहमान – बांगलादेशचे ७ वे राष्ट्राध्यक्ष
(मृत्यू: ३० मे १९८१)
१९२०
झेवियर पेरेझ द कुइयार – संयुक्त राष्ट्रांचे पाचवे सरचिटणीस
१९०६
विनायक दामोदर कर्नाटकी ऊर्फ 'मास्टर विनायक' – अभिनेते, दिग्दर्शक व निर्माते. त्यांनी २२ चित्रपटातून भूमिका केल्या तर २९ चित्रपट दिग्दर्शित केले.
(मृत्यू: १९ ऑगस्ट १९४७)
१८९८
वि. स. खांडेकर
गणेश आत्माराम तथा विष्णू सखाराम तथा 'वि. स.' खांडेकर – मराठी लेखक, कादंबरीकार, लघुनिबंधकार व समीक्षक, १९४१ मध्ये सोलापूर येथे झालेल्या अखिल भारतीय मराठी साहित्य संमेलनाचे अध्यक्ष, पद्मभूषण (१९६८), साहित्य अकादमी फेलोशिप विजेते (१९७०), त्यांनी 'कुमार' या टोपणनावाने कविता लेखन तर 'आदर्श' या टोपणनावाने विनोदी लेखनही केले आहे. त्यांच्या 'ययाति' या कादंबरीसाठी त्यांना ज्ञानपीठ पुरस्कार (१९७४) मिळाला आहे.
(मृत्यू: २ सप्टेंबर १९७६)
१८९२
चिं. वि. जोशी – विनोदी लेखक व पाली साहित्याचे संशोधक
(मृत्यू: २१ नोव्हेंबर १९६३)
१८८६
सवाई गंधर्व
रामचंद्र गणेश कुंदगोळकर तथा 'सवाई गंधर्व' – किराणा घराण्याचे हिन्दुस्तानी शास्त्रीय गायक, खाँसाहेब अब्दुल करीम खाँ यांचे शिष्य, पं. भीमसेन जोशी आणि गंगुबाई हनगळ यांचे गुरू. ख्याल, ठुमरी, भजन, नाट्यगीत असे अनेक प्रकार त्यांनी हाताळले. दादासाहेब खापर्डे यांनी त्यांना 'सवाई गंधर्व' ही पदवी दिली.
(मृत्यू: १२ सप्टेंबर १९५२)
१८०९
एडगर अ‍ॅलन पो
एडगर अ‍ॅलन पो – अमेरिकन (गूढ व भयकथांचा) लेखक, कवी, संपादक व समीक्षक
(मृत्यू: ७ आक्टोबर १८४९)
१७३६
जेम्स वॉट – स्कॉटिश संशोधक व यंत्र अभियंता
(मृत्यू: २५ ऑगस्ट १८१९)
=========================================
क) मृत्यू / पुण्यतिथी / स्मृतिदिन:
    -------------------------
२०००
मुथ्थय्या अन्नामलाई तथा एम. ए. चिदंबरम – उद्योगपती व क्रिकेट प्रशासक, 'बोर्ड ऑफ कंट्रोल फॉर क्रिकेट इन इंडिया' (BCCI) चे अध्यक्ष; उपाध्यक्ष व खजिनदार, तामिळनाडू क्रिकेट संघटनेचे अध्यक्ष, चेन्नईचे महापौर (१९५५), चेन्नईतील 'चेपॉक' स्टेडियमला त्यांचे नाव देण्यात आले आहे.
(जन्म: १२ आक्टोबर १९१८)
१९९०
भगवान श्री रजनीश – आध्यात्मिक गुरू
(जन्म: ११ डिसेंबर १९३१)
१९६०
रामचंद्र गोपाळ ऊर्फ 'दादासाहेब तोरणे' – चित्रपट निर्माते व दिग्दर्शक, मराठी चित्रपटसृष्टीचे आद्य प्रवर्तक
(जन्म: १३ एप्रिल १८९०)
१९५६
प्रबोध चंद्र बागची – इतिहासकार
(जन्म: १८ नोव्हेंबर १८९८)
=========================================

-----संकलन
-----श्री.अतुल एस.परब(अतुल कवीराजे)
-----दिनांक-19.01.2023-गुरुवार.
=========================================