मला आवडलेला निबंध-निबंध क्रमांक-125-माझा देश भारत

[Atul Kaviraje]

                                 "मला आवडलेला निबंध"
                                    निबंध क्रमांक-125
                                ----------------------

मित्र/मैत्रिणींनो,

     आज वाचूया, "मला आवडलेला निबंध", या निबंध-मालिकेतील एक महत्त्वाचा निबंध. या निबंधाचे शीर्षक आहे- "माझा देश"

     माझ्या देशाचे नाव भारत आहे. भारत हा लोकसंख्येच्या दृष्टीने जगातील दुसऱ्या क्रमांकाचा आणि क्षेत्रफळाच्या दृष्टीने संपूर्ण जगात सातव्या क्रमांकाचा देश आहे. भारतात हिंदू, मुस्लिम, शीख, ख्रिश्चन, जैन, बौद्ध इत्यादी सर्व धर्माचे लोक सोबत राहतात. भारताला भारत, इंडिया, हिंद, हिंदुस्तान इत्यादी वेगवेगळ्या नावांनी ओळखले जाते. माझ्या देशाला संपूर्ण जगात विविधतेतील एकता असलेला देश म्हणून ओळखले जाते. कारण जेव्हा केव्हा देशावर काही संकट येते तेव्हा आम्ही सर्व भारतीय सोबत मिळून त्या समस्येचा सामना करतो.

     माझ्या भारत देशात 200 पेक्षा जास्त भाषा बोलल्या जातात. भारताच्या भौगोलिक परिस्थितीत देखील फार विविधता आहे. जसे काही ठिकाणी बर्फ असतो तर काही ठिकाणी वाळवंट, कोठे घनदाट जंगल असते तर कोठे मोकळे मैदान, काही ठिकाणी पर्वते असतात तर काही ठिकाणी खोल खोल दऱ्या. भारत तीन मुख्य ऋतु येतात. अशा पद्धतीने भारताच्या भौगोलिक परिस्थितीत अनेक विविधता आहे.

     तसे पाहता प्रत्येक देशात कोणत्या न कोणत्या शूर वीराने जन्म घेतलेला असतो. परंतु भारत एकमात्र असा देश आहे जेथे जगातील सर्वाधिक क्रांतिकारी व शूर वीर जन्मले, ज्यांनी आपल्या प्राणांची पर्वा न करता देशाची सभ्यता आणि संस्कृती चे रक्षण केले. या वीरांनी देशाला स्वातंत्र्य मिळवून देण्यासाठी इंग्रज व अनेक विदेश आक्रमकांशी लढा दिला. भारताची संस्कृती अतिथी देवो भव वाली आहे. आपल्या देशात अतिथीचे सन्मानाने स्वागत गेले जाते. म्हणूनच भारताला लुटणाऱ्या इंग्रज व मुघलांचे देखील भारतीयांनी आदराने स्वागत केले होते.

     याशिवाय माझा देश भारत त्याची प्राचीन वास्तुकला, शिल्पकला, नृत्य, संगीत इत्यादींसाठी प्रसिद्ध आहे. आपण भारतीयांनी 4000 वर्षांपेक्षा जुन्या असलेल्या हडप्पा आणि सिंधू संस्कृती ला देखील महत्त्व दिले. आपल्या पूर्वजांनी आपल्याला भारतीय संस्कृतीचा आदर व सन्मान करायला शिकवले आणि म्हणूनच आज आपण आपल्या संस्कृतीला महत्त्व देत आहोत. भारतात प्रत्येक धर्माचे सण उत्सव साजरे केले जातात. जरी भारताची बहुसंख्य लोकसंख्या हिंदू आहे तरी भारतात दिवाळी सोबत ईद, क्रिसमस इत्यादी सण देखील उत्साहाने साजरे केले जातात.

     भारत देशाला कृषिप्रधान देश म्हणूनही ओळखले जाते कारण भारतात मोठ्या प्रमाणात शेती व्यवसाय केला जातो. आपल्या देशातील मोठ्या प्रमाणात लोकसंख्या गावाकडे राहते व शेती आणि पशुपालन हा त्यांचा प्रमुख व्यवसाय आहे. आपल्या देशात शेतकऱ्यांना सन्मान दिला जातो. प्रत्येक शेतकरी गहू, मका, बाजरी, ऊस, कापूस, तांदूळ, ज्वारी इत्यादीचे पीक घेतो. भारताच्या एकूण जमिनीच्या 51% भागावर शेती केली जाते आणि भारताचे 52% पेक्षा जास्त लोक शेती करतात. 

     शेतीशिवाय विज्ञानाच्या क्षेत्रात ही भारत पुढे आहे. एकाहून एक महान शास्त्रज्ञ भारतात जन्मले आहे व त्यांचे शोध जगभरात प्रसिद्ध आहेत. भारतीय शास्त्रज्ञांमध्ये श्रीनिवास रामानुजन, जगदीश चन्द्र बसु, सी व्ही रमण, होमी जहांगीर भाभा, अब्दुल कलाम इत्यादींचे नाव प्रसिद्ध आहे. या सर्व शास्त्रज्ञांनी खगोल, चिकित्सा आणि भौतिक विज्ञानाच्या क्षेत्रात महत्त्वाचे योगदान दिले आहे. या शास्त्रज्ञाच्या प्रयत्नांमुळेच आज भारत एक शक्तिशाली राष्ट्र म्हणून उभे आहे. भारताजवळ अनेक मिसाईल आणि परमाणु बॉम्ब आहेत. परंतु आज पर्यंत भारताने कधीही या हत्यारांचा दुरुपयोग केलेला नाही. या गोष्टीचा सर्व भारतीयांना अभिमान वाटायला हवा.

     आधीच्या काळात भारत सोन्याची चिडिया म्हणून ओळखला जायचा. भारतीय व्यापारी जगभरात आपले पदार्थ विकत असत. परंतु मध्ययुगात आलेले मुघल व आधुनिक युगातील इंग्रज यांनी भारताला मोठ्या प्रमाणात लुटले. त्यांच्या आक्रमणामुळे सोन्याची चिडिया असलेला भारत अतिशय निर्धन झालं. परंतु आज पुन्हा एकदा भारतीयांची मेहनत व इमानदारी भारताला प्रगतीच्या मार्गावर नेत आहे. भारताच्या या पवित्र भूमीवर जन्म मिळाल्याबद्दल आपण खरोखर भाग्यवान आहोत आणि या भूमीच्या रक्षणासाठी आपण नेहमी तत्पर राहायला हवे.

--लेखक-मोहित पाटील
---------------------

                    (साभार आणि सौजन्य-संदर्भ-भाषण मराठी.कॉम)
                   -------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-15.02.2023-बुधवार.
=========================================