एक सांज

[शिवाजी सांगळे]

एक सांज

एक सांज डोकावते रोज रोज
कंदीलात वात तेवते रोज रोज

चर्चा अंधार दिव्याची न् हळवी
भेट ही सांज घडवते रोज रोज

शिण थकवा सर्व दिवसभराचा
दोघांचा सांज ऐकते रोज रोज

कष्ट, भक्तीचा मिलाफ होताना
भजनात सांज डुलते रोज रोज

सजवित मनी स्वप्ने उद्या करता
हलकेच सांज निजते रोज रोज

थकल्या वातीस या कंदीलाच्या
सहज पहाट जोजवते रोज रोज

©शिवाजी सांगळे 🦋papillon
 संपर्क: +९१ ९५४५९७६५८९